- Inicio
- Acceso á Información
- Sistema interno de información
Sistema interno de información do Concello da Coruña
Lei 2/2023, de 20 de febreiro, reguladora da protección das persoas que informen sobre infraccións normativas e de loita contra a corrupción.
O Concello da Coruña, no desenvolvemento do seu compromiso coa integridade, a transparencia e o cumprimento da legalidade, establece o sistema interno de información como canle preferente para a protección das persoas que informen sobre infraccións normativas e de loita contra a corrupción (LPI). Deste xeito, esta canle permitirá comunicar de forma anónima infraccións normativas comprendidas no artigo 2 (LPI) nos ámbitos establecidos na directiva e que sexan de competencia municipal como os seguintes:
- Contratación pública.
- Seguridade do transporte.
- Protección do medio ambiente.
- Benestar dos animais.
- Protección dos consumidores.
- Protección da intimidade e os datos persoais, e seguridade das redes e os sistemas de información.
¿Quen son as persoas informantes?
As persoas físicas que obtivesen información sobre as infraccións normativas comprendidas no artigo 2 da LPI, no contexto laboral ou profesional da súa relación co Concello.
¿Como informar?
O sistema interno de información permite a presentación de información por escrito, verbalmente e de forma anónima.
A información poderase realizar por escrito , na dirección de correo electrónico sistemainternodeinformacion@coruna.gal; ou a través de correo postal dirixido ao Órgano Colexiado responsable do Sistema Interno de Información do Concello da Coruña (Concello dá Coruña. Praza de María Pita, nº 1. CP 15001. A Coruña).
Verbal, por vía telefónica ou a través de sistema de mensaxería de voz.
Presencial, nunha reunión a solicitude do/a informante por medio do rexistro.
A identidade da persoa informante será reservada en todo caso e non se lles comunicará ás persoas afectadas pola información nin a terceiros, e será informada de forma expresa desta reserva da súa identidade.
¿Como son tratados os datos das persoas informantes?
De acordo co sinalado no artigo 29 da LPI, os tratamentos de datos persoais que deriven da aplicación desta lei rexeranse polo disposto no Regulamento (UE) 2016/679 do Parlamento Europeo e do Consello, de 27 de abril de 2016, na Lei orgánica 3/2018, de 5 de decembro, de protección de datos persoais e garantía dos dereitos dixitais, na Lei orgánica 7/2021, de 26 de maio, de protección de datos persoais tratados para fins de prevención, detección, investigación e enjuiciamiento de infraccións penais e de execución de sancións penais, e no presente título.
No Boletín Oficial da Provincia da Coruña (número 66) de 7 de abril de 2025, publicouse a Aprobación e posta en funcionamento do Sistema Interno de Información do Concello da Coruña. Na citada publicación figura:
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible