“Pum, pum!" de Baobab Teatro, ás 18.30 h (aprazada de setembro)
Espectáculo teatral para a primeira infancia
A quen vai dirixido:
Infancia, Familias, Para público en xeral
Cando:
13/12/2023
Xa rematou
Inscricións:
13/12/2023
Esta actividade tivo que ser aprazada por problemas técnicos no auditorio en setembro. As inscricións daquel día serven igualmente para esta nova data. Se alguén confirma que o mércores 13 de decembro non pode asistir, abriranse esas prazas a unha nova inscrición.
A inscrición comezará ás 10.00 h. A actividade está dirixida a crianzas de 3 a 6 anos (incluídos), acompañadas dunha persoa adulta. Só precisa a inscrición a/o nena/o.
Se por algún motivo non puiderdes vir á actividade, agradecemos que nolo comuniquedes para que poidan asistir outras persoas.
Pídese puntualidade. Non se permitirá o acceso ao auditorio unha vez comezado o espectáculo.
Horario:
18.30 horas
Duración:
50 min aprox.
Enderezo:
Centro Sociocultural Ágora. Lugar Gramela 17. 15010 A Coruña
Número de prazas:
35 crianzas por sesión
Prezo:
De balde e con inscrición previa
A compañía teatral Baobab Teatro tráenos en "Pum, pum!", abordada con sutileza e delicadeza, unha temática preocupante, os abusos sexuais na infancia, un tema tabú para a sociedade que convive no noso día a día e ten unhas estatísticas alarmantes.
Seleccionado para os XXII Premios de Teatro María Casares, é un espectáculo tenro que fala de historias cotiás que lles pasan ás crianzas, pero tamén fala dunha mensaxe moi clara, dende moi pequenos/as teñen que saber que ninguén os/as pode obrigar a facer cousas que non queren. Moito simbolismo nesta peza cuxo guión ofrece dúas lecturas diferentes: para maiores e peques.
A actividade desenvolverase no escenario do auditorio do Centro Ágora.
Pídese puntualidade.
Organiza Normalización Lingüística do Concello da Coruña dentro do programa Apego.
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible