- Inicio
- Prepara a túa viaxe
- Como chegar
Como chegar á Coruña
Avión
Tes múltiples formas de chegar á Coruña. Podes facelo en coche, en tren, en avión, en moto, en bicicleta, en caravana e ata en barco...
A Coruña conta con aeroporto propio. É o Aeroporto de Alvedro e sitúase a 15 minutos do centro da cidade. Dende el podes voar a Madrid, Barcelona, Valencia, Menorca, Málaga, Gran Canaria, Londres, Xenebra e Milán.
Ademais, a 45 minutos en coche ou 30 minutos en tren atópase o Aeroporto Rosalía de Castro de Santiago de Compostela, desde o que podes conectar con múltiples cidades españolas e europeas.
Para facilitarche o desprazamento, o Aeroporto de Alvedro conta con servizo de transporte en autobús e taxi ao centro da cidade.
Tren
Se viaxas en ferrocarril, podes facelo comodamente e chegarás á emblemática Estación de SanCristovo, a media hora do centro camiñando. Se o prefires, podes ir en autobús ou taxi.
Tes opcións de longa distancia, en alta velocidade-AVE, desde Madrid e tamén en media distancia desde Vigo, Pontevedra ou Santiago de Compostela.
Coche
Se a túa opción é vir en vehículo particular, podes chegar á Coruña a través de varias vías de alta capacidade.
A Autoestrada do Atlántico (AP9) conéctanos con Portugal a través de Santiago de Compostela, Pontevedra ou Vigo, entre outras urbes. A Autovía do Noroeste (A6) enlaza A Coruña con Madrid pasando por Lugo, Ponferrada e outras cidades castelás e a Autovía do Cantábrico enlázanos con Asturias, Cantabria e País Vasco.
Alternativa. Ruta N-VI
Se non queres conducir por autovía, podes optar por unha aventura por estrada a través da Ruta N-VI, que parte do quilómetro cero de Madrid e chega ata a Torre de Hércules tras atravesar máis de 70 municipios.
Poderás visitar museos descoñecidos, castelos cheos de historia, adegas con varias Denominacións de Orixe, moita natureza e, por suposto, degustar a gastronomía do noso país.
Planifica a túa ruta aquí: Google Maps
Unha vez que chegues á cidade, recomendámosche aparcar o teu coche e utilizar o transporte público ou moverte camiñando.
Alugueiro de coche
No Aeroporto de Alvedro, na Estación de Tren de San Cristovo e no centro da cidade dispós de varias empresas de alugueiro.
Poñemos á túa disposición un Listaxe Empresas Alugueiro coches para facilitarche este servizo, así poderás coller un vehículo para moverte libremente ou facer unha pequena escapada con base na Coruña.
Autobús
Para chegar á Coruña en autobús, existen compañías como Alsa, Alsacalpita, Flixbus, Monbus ou Arriva, que ofrecen conexións, desde e cara á Coruña, tanto nacionais, internacionais ou mesmo interurbanas, con chegada á Estación de Autobuses da Coruña e inluso algúns deles con parada no centro da cidade.
A estación conta con zona comercial con establecementos de prensa, cafetaría ou farmacia, así como de servizos de consigna.
Ademais está ben comunicada co centro da cidade, desde a que se pode acceder en coche ou en taxi en menos de 10 minutos, ou se se prefire en autobús urbano.
Barco
Diversas compañías de cruceiros inclúen A Coruña nas súas rutas. A localización do Peirao de Transatlánticos, no corazón da cidade, permítelles ás persoas cruceiristas acceder rapidamente ás principais zonas comerciais e turísticas. Podes descargar máis información aquí
Se decides desprazarte en embarcación propia, en Marina Coruña ou no Real Club Náutico facilitaranche toda a información que necesites.
Autocaravana
Se planeas chegar á Coruña en autocaravana, a cidade dispón de diferentes aparcadoiro para a túa Autocaravana para que poidas elixir aquel que se adapte mellor á túa estadía
Existen ademais instalacións privadas, como as que ofrece Marina Coruña con todo o que poidas necesitar.
