1. Descubrir o Parque Escultórico da Torre de Hércules (esta non pode visitarse ata xuño por obras).

2. Comer un xeado artesanal dando un paseo pola Marina

3. Facer as túas compras na rúa Real

4. Tomarse un chocolate con churros no Timón ou Bonilla á Vista

5. Pasear pola Marina ou os Cantóns

6. Ver o atardecer desde a Xanela ao Atlántico

7. Sacarse unha foto co polbo do paseo marítimo

8. Gozar dunha paisaxe máxica desde a Rosa dos Ventos

9. Facer surf na praia de Matadoiro

10. Subir ao mellor miradoiro da cidade: o Monte de San Pedro

11. Ler un libro na praza de Azcárraga

12. Adentrarse no xardín de San Carlos

13. Visitar a praza do Humor

14. Deambular polas rúas do centro histórico durante unha mañá

15. Vivir o San Xoán (noite do 23 de xuño)

16. Bañarse na praia das Lapas

17. Perderse no labirinto de Xerión

18. Comprar un libro durante a Feira do Libro Antigo

19. Ver a Batalla Naval en agosto

20. Correr polo Parque Escultórico da Torre de Hércules

21. Ir a un concerto das Noites de María Pita

22. Gozar dun bo café de especialidade

23. Darse un mergullo en Santo Amaro durante o inverno

24. Pasear pola Feira das Marabillas

25. Beber unha Estrella Galicia

26. Almorzar con vistas ao mar

27. Ir de compras pola praza de Lugo e visitar o seu mercado

28. Descubrir os edificios modernistas da cidade

29. Cear cunha posta de sol en Orzán

30. Ver unha exposición no Quiosco Alfonso

31. Probar a tortilla ao estilo Betanzos

32. Ir de tapeo e viños polas rúas Galera, Estrella, Olmos ou Barrera

33. Ver as estrelas na Casa das Ciencias

34. Entrar na casa de Picasso

35. Quedar con alguén no Obelisco como punto de encontro

36. Visitar a igrexa de San Nicolás

37. Ir á DOMUS

38. Saudar ás focas e a Gastón no acuario

39. Ir ao teatro Colón ou ao Rosalía de Castro

40. Fotografarse coa Caracola

41. Visitar o Castelo de Santo Antón

42. Sacarse unha foto en María Pita

43. Percorrer o paseo marítimo en bicicleta

44. Ir a un concerto no Coliseum

45. Ver á Orquestra Sinfónica de Galicia no Palacio da Ópera

46. Visitar o Castro de Elviña

47. Queimar a noite coruñesa na discoteca máis grande de Galicia

48. Ver un partido do Deportivo no Estadio de Riazor

49. Gozar do mundo da animación con Viñetas desde o Atlántico

50. Ir ao Museo Estrella Galicia

A Coruña é, desde fai un par de anos, o faro cultural de Galicia. Así o acreditan as numerosas programacións deseñadas para que o público goce de exposicións, museos, obras de teatro e, por suposto, moita música.

E é que a cidade é o lugar elixido por grandes artistas nacionais e internacionais para ofrecer os seus concertos, tanto ao aire libre como no Coliseum ou nas pequenas salas de concertos.

Se queres visitar a cidade e aproveitar algunha actuación musical, descúbrea na nosa programación.

A Coruña é unha cidade que sempre espera ao turista. No Nadal agárdao co seu manto de luces e as súas rúas cheas de alegría e de cheiro a castaña asada; aínda que é na primavera cando se engalana dunha forma natural espremendo a súa beleza ao máximo. E é que a cidade brilla con novas cores e máis horas de luz, pero tamén cunha programación cultural de primeiro nivel deseñada para todos os públicos e gustos.

Chegan os grandes concertos no Coliseum como o de Hijos de la Ruina, Viva Suecia ou a xira de Operación Triunfo; e tamén o fai a sexta edición do Encontro Mundial de Humorismo, que volve situar A Coruña como capital do humor. Ademais, quedan abertas ao público exposicións sobre a beleza do art nouveau ou sobre a arte contemporánea da man do danés Peter Kramer.

Consulta a nosa guía de lecer para non perder nada!