Este parque era antigamente un punto defensivo reconvertido para o goce dos cidadáns e turistas desde o ano 1999. Conta cunha extensión de máis de 90.000 metros cadrados no que se poden realizar todo tipo de actividades: desde voar unha cometa ata tombarse na herba ou contemplar o atardecer. Ademais, conta cun gran aliciente turístico que son as dúas pezas Vickers de máis de 17 metros de altitude que foron adquiridas en 1929 e instaladas en 1933.

Pero uno dos atractivos principais do Monte de San Pedro son as súas evocadoras vistas. Por unha banda observarás o océano Atlántico e a liña de costa ata Arteixo e as Illas Sisargas que pertencen a Malpica de Bergantiños. E cara ao outro lado, nun primeiro termo, a cidade e a costa ártabra coa ría da Coruña onde atoparemos Mera, Santa Cruz e a costa de Oleiros; e nun segundo termo, as rías de Betanzos, Ares e Ferrol e a costa ata o seu porto exterior. Terás que mirar o mapa para saber ata onde alcanza a túa vista!