Uso de cookies nas páxinas web do Concello da Coruña

Empregamos cookies propias (de sesión, de personalización, de preferencias) para mellorar a experiencia do usuario a través do sitio web e cookies de terceiros xeradas por servizos ou provedores externos ao sitio web, que recollen datos estatísticos, de uso, gustos dos usuarios, etc. Ao aceptar todas as cookies, dá o seu consentimento expreso para que as cookies propias e de terceiros sexan rexistradas e utilizadas. Ao rexeitar as cookies, acepta que só se usarán as súas propias cookies para mellorar a experiencia do usuario. Podes obter máis información, ou saber como cambiar a configuración, na nosa páxina Normas de uso

Aquarium Finisterrae

Nunha cidade que mira ao Atlántico non podía faltar un centro onde estudar o coñecemento e divulgar o agarimo cara aos nosos océanos.

O Aquarium Finisterrae é un lugar único no que descubrir as curiosidades e segredos das profundidades do mar. Máis de trescentas especies mariñas e catro salas de exposicións, entre elas a Nautilus, mergullada nunha piscina de máis de cinco millóns de litros de auga nas que nadan corvinas, douradas e ata quenllas. Sentiraste como o mesmísimo capitán Nemo a bordo do seu submarino.

Amplas terrazas exteriores e o Piscinarium coas súas focas completan a visita. O mellor lugar onde coñecer o ecosistema mariño da costa galega.

Ademais das súas piscinas e acuarios, o museo dispón de módulos que lle propoñen ao público experiencias interactivas.