- Inicio
- Prepara a túa viaxe
- O que non podes perder
7 formas de gozar da primavera na Coruña
No mes de marzo os días fixéronse máis longos, a cidade comezou a cheirar a flores e o sol empezou a esconderse durante menos horas. Foi, en definitiva, a presentación da primavera, unha estación que transformou e que segue transformando A Coruña por completo.
Agora os parques e xardíns da cidade recuperaron o seu esplendor enchéndose coa música dos paxaros e de coloridas flores, facéndoa aínda máis fermosa para quen a visita. Se este ano tes a oportunidade de descubrirnos, aquí deixámosche algúns dos nosos plans favoritos para esta época do ano.
1. Primavera de terraceo...
Afeitos a gozar dunhas tapas ou copas chova ou trone, coa chegada dos primeiros meses de temperaturas suaves e raios do sol os motivos dos coruñeses e coruñesas para saír á rúa multiplícanse.
Basta un día solleiro para atopar todas as terrazas da cidade cheas. Desde a praza de Vigo á Mariña, pasando pola praza de José Sellier ou María Pita, mozos e adultos reúnense para tomar un café ou unha caña en compañía e co chiar dos paxaros de fondo.
Aínda que tamén é habitual escoitar bulicio nas rúas polas mañás grazas aos diferentes locais onde tomar un almorzo de dez ou un brunch espectacular.
1.2 .... e de xeados
Co ascenso das temperaturas xa apetecen os xeados e na Coruña non hai nada mellor que gozar dun na Mariña. Síntete un verdadeiro coruñés paseando á beira do mar e degustando un rico doce das seis xeaderías principais da cidade: a Colón, La IBI, Puerta Real, Bico de Xeado, Rafa Gelato ou Farggi.
3. Pasea polo porto máis alá da Mariña
Un bo plan para esta primavera é descubrir o porto coruñés máis aló da Mariña. Unha vez camiñes baixo as brancas galerías, segue co mar á túa esquerda para chegar ao peirao portuario entrando pola praza de Ourense. Este é o lugar ideal para ter outra perspectiva do porto e descubrir unha das zonas de paseo máis novas da cidade.
Parque Monte de San Pedro
4. Desfruta da natureza no Monte de San Pedro
Non hai mellor maneira de gozar do aire primaveral que mergullándose completamente na natureza. E poucos recunchos da Coruña son tan idóneos para iso como o parque do Monte de San Pedro.
En canto as nubes comezan a afastarse, unha visita ao noso miradoiro predilecto da cidade é obrigatoria. Reláxache perdendo a vista no horizonte do Atlántico, cunha panorámica que percorre a liña de costa ata Arteixo e as Illas Sisargas dun lado e a Costa Ártabra e a Ría da Coruña do outro.
5. Descubre a maxia do parque escultórico da Torre de Hércules
Unha paisaxe máxica tamén se atopa no parque escultórico da Torre de Hércules, no que arte e natureza se funde coas pezas artísticas que se esconden entre aves, arbustos e flores.
6. Recorre a cidade en bici
Outro plan ideal para esta época do ano é descubrir a cidade en bicicleta, percorrendo os case 50 quilómetros do noso carril bici. Ademais, non terás que viaxar coa túa bicicleta ao lombo xa que tes a posibilidade de elixir as de BiciCoruña ou reservar unha nos negocios de alugueiro de bicicletas da cidade.
7. Inaugura a temporada de praia
Para os máis atrevidos, a tempada de praia comeza antes na Coruña. Se as temperaturas acompañan, anímate co primeiro mergullo do ano en calquera das praias coruñesas. Podes escoller entre As Lapas, Matadoiro, San Amaro, Orzán ou Riazor, aínda que esta última conta con fieis bañistas ao longo de todo o ano.
Nesta época recomendámosvos especialmente as tres primeiras, xa que ao estar máis recollidas non vos resultará nada difícil atrevervos a bañarvos en augas do Atlántico.
Praia de Orzán
7. Goza dun pícnic coa posta de sol de fondo
A Coruña conta con parques e xardíns perfectos para gozar dun pícnic coa túa familia, parella ou en solitario. O parque de Santa Margarida ou o de Eirís son moi boas opcións, así como calquera areal urbano con vistas ao horizonte e cos últimos raios de sol de fondo.
A Coruña en concerto!
Son moitas as cousas que nos definen como cidade: o mar, a moda, a gastronomía, a nosa forma de vivir a vida... E nisto último hai un elemento clave: a música.
Pequenas actuacións en acústico, grandes festivais, cheos en salas de concertos, o Coliseum... A oferta musical que alaga a cidade non só é ampla durante os meses de verán, senón que se estende ao longo de todo o ano.
Se tes pensado visitarnos proximamente, aproveita a seguinte listaxe de eventos musicais na nosa cidade e ¡gózanos ao grande!
CONCERTOS
Bad Religion - Coliseum - 10/05/2025
Marlena - Sala Inn - 10/05/2025
Chayanne - Coliseum - 18/05/2025
Valeria Castro - Palacio da Ópera - 18/05/2025
Myke Towers - Coliseum - 23/05/2025
Guitarricadelafuente - Coliseum - 18/05/2025
OBK - Palacio da Ópera - 31/05/2025
JC Reyes - Coliseum - 07/06/2025
Abraham Cupeiro - Teatro Colón - 08/06/2025
Ismael Serrano - Palacio da Ópera - 08/06/2025
Tony Ann - Teatro Colón - 12/06/2025
Camela - Coliseum - 20/06/2025
Rigoberta Bandini - Coliseum - 21/06/2025
The Alan Parsons Project - Palacio da Ópera - 24/06/2025
Trono - Coliseum - 27/06/2025
Pablo López - Coliseum - 05/07/2025
Alanis Morissette - Coliseum - 09/07/2025
Miguel Bosé - Coliseum - 11/07/2025
Marc Anthony - Peirao de Batería - 13/07/2025
Il Divo - Parque Santa Margarita - 19/07/2025
Lionel Richie - Coliseum - 31/07/2025
Pimpinela - Palacio da Ópera - 13/09/2025
Joaquín Sabina - Coliseum - 18, 20/09/2025
Quevedo - Coliseum - 26/09/2025
Coque Malla - Palacio da Ópera - 04/10/2025
Andy e Lucas - Palacio da Ópera - 05/10/2025
Duki - Coliseum - 12/10/2025
Antonio Orozco - Coliseum - 18/10/2025
Revólver - Teatro Colón - 08/11/2025
Vanesa Martín - Palacio da Ópera - 08/11/2025
Os Segredos e Pancho Varona - Palacio da Ópera - 22/11/2025
Ana Belén - Palacio da Ópera - 23/11/2025
Fito e Fitipaldis - Coliseum - 28/11/2025
Sen Senra - Coliseum - 12/12/2025
David Bisbal - Coliseum - 13/12/2025
Xabier Díaz e Adufeiras de Salitre - Teatro Colón - 20/12/2025
Carlos Núñez - Coliseum - 26/12/2025
Festas de María Pita de 2024
Festas de María Pita
As festas por excelencia da cidade que duran todo o mes de agosto. Concertos de grandes artistas ou grupos de música actual e tradicional danse cita na histórica praza de María Pita. Completan a programación actividades culturais para toda a familia, a romaría de Santa Margarida ou eventos deportivos como o Trofeo Teresa Herrera de fútbol.
Ademais, nestas festas enmárcase o Festival Noroeste Estrella Galicia, un evento gratuíto no que poder gozar de música en directo e de diferentes estilos en lugares tan diversos da cidade como a praza de Azcárraga, o Campo da Leña ou a praia de Riazor.
FESTIVAIS
Wake Up Festival - Parque de Bens - 04-05/07/2025
Morriña Fest - 25-26 xullo 2025
Atlantic Pride - 6-13 xullo 2025
Ciclo Coruña Sounds (distintas datas): Leiva (12/07), Arde Bogotá (19/07) e Joaquín Sabina (18, 20/09)
Son do Nordés: Luís Fonsi (17/07), Al Bano & Romina Power (18/07), Il Divo (19/07) e Diego 'El Cigala' (20/07)
Recorda Fest - 5-6 setembro
Guía de ocio
Merendeiro San Roque A Coruña
Posta a punto para un verán inesquecible na Coruña
Maio é un mes de cambios. Durante estas cinco semanas a cidade xa empeza a tomar forma para acoller un verán que promete ser inesquecible, cheo de actividades, concertos, festivais e moita gastronomía e cultura.
E como se prepara A Coruña? Pois acollendo actuacións musicais coma as de Ara Malikian, Bad Religion, Paloma San Basilio ou Chayanne; ademais de obras de teatro, exposicións, shows de humor con figuras internacionais e ata cunha exhibición dos Harlem Globetrotters.
Consulta todos os eventos na nosa guía de lecer!
Coliseum
