Horario, moeda e idioma

Horario comercial

Coas seguintes indicacións a túa estancia na cidade será sinxela. Esquéceo todo e dedícate a gozar da Coruña.

O horario habitual dos comercios é de luns a sábado, de 10 a 20:30 horas. Hai certos domingos e festivos do ano que abren algúns comercios e centros comerciais de forma excepcional.

Os mercados municipais abren de luns a venres, excepto festivos, de 8.30 a 15 horas aproximadamente.

Igualmente, hai numerosas tendas de alimentación de barrio abertas de luns a domingo.

Curiosidades

Na Coruña existen dous idiomas oficiais: o galego, lingua propia da Comunidade de Galicia e o castelán.

Horario de restauracion

O horario de comidas adoita realizarse como no resto de España: o almorzo, tómase entre as 7:30 e as 10 da mañá.

A comida ou xantar nos restaurantes sérvese entre as 13 e as 15:30 horas; e a cea, desde as 20 ata as 23:30 horas.

Horario de banca

A maioría dos bancos están abertos de luns a venres de 8:30 a 14-14:30 h. Igualmente pola cidade hai dispoñibles caixeiros automáticos 24 horas, a maioría dos cales (Servired, 4B, etc.) dan servizo internacional.