Especial Bbencontro de verán coa colaboración de Un Punto Curioso.

Un espazo para que as familias con bebés de 0 a 3 anos descubran o pracer de compartir libros e momentos de lectura cos seus fillos e fillas.

Achegaremos ás familias ao mundo dos libros, ofrecendo recursos e ideas para facer da lectura unha experiencia compartida desde os primeiros anos de vida. Porque ler cos bebés é moito máis ca contar un conto: é mirar, escoitar, falar, cantar, xogar e crear vínculos a través das palabras e das historias. No fogar é onde a lectura atopa o seu espazo e as familias son os primeiros modelos lectores dos seus fillos e fillas.

Desde as bibliotecas queremos acompañarvos e facilitar que ese espazo estea cheo de libros, historias e momentos para compartir.