Marita Muñíz Rial estará na Biblioteca Durán Loriga o día 27 de decembro ás 18.30 h para presentar o seu primeiro conto: "Aventura en la fraga mágica". 

Fará un contacontos da súa historia e dous obradoiros, todo para crianzas de 5 a 8 anos.

Esta obra é un relato de maxia e amor, que pretende concienciar sobre o fundamental que é coidar e preservar a natureza, a nosa casa, fogar e protección. Esta historia, inspirada no encontro cun impoñente cervo que viu nunha visita ao parque natural das Fragas do Eume, ideouna para transmitirlles aos seus sobriños a necesidade de coidar o noso planeta.

A autora non se dedica profesionalmente a escribir, pero sempre foi moi creativa e no ano 2020, apurada pola situación que estabamos vivindo e un futuro incerto, deixou saír á luz todo o seu mundo interior e os relatos que tiña na cabeza e creou esta historia.