- Inicio
- Detalle
"O Comenoites", de Os Náufragos Teatro
O Comenoites baséase nun conto infantil escrito e ilustrado por Ana Juan (Premio Nacional de Ilustración)
A quen vai dirixido:
Familias, Para público en xeral
Cando:
09/03/2025
Inicio de vendas para este espectáculo o venres 7 de marzo ás 11.00 h
Xa rematou
Horario:
11.30 e 13.00 h
Enderezo:
Auditorio do Centro Sociocultural Ágora. Lugar Gramela 17. 15010 A Coruña
Prezo:
ENTRADA: 6,00 €
ABONO FAMILIAR (3 entradas para a mesma función): 15,00 €
MENORES DE 3 ANOS: 2,00 €
Televenda:
Requisitos:
Cousas que debes saber antes de virnos ver:
- Esíxese puntualidade. Non se permitirá acceder á sala unha vez que comece a función.
- Todas as persoas que accedan ao recinto onde terá lugar o espectáculo deben facelo con entrada, independentemente da idade que teñan e de se ocupan ou non butaca.
- Non está permitido entrar á sala con comida nin bebida (excepto auga).
- Non está permitido sacar fotos nin gravar durante a función.
- A capacidade da sala é limitada, polo que che recomendamos adquirir as túas entradas con antelación para asegurar a túa praza.
- Por cuestións de seguridade, os carriños e cadeiras de bebé deben permanecer fóra da sala.
- Apaguen os móbiles antes de que comece a representación.
Organiza:
Instituto Municipal Coruña Espectáculos (IMCE)
Contacto:
agora@coruna.gal
Misterios da existencia do día e a noite. Comenoites é un trasgo barrigudo ao que lle encanta comer a noite para que o Sol poida brillar día tras día, traendo luz, calor e cor para todas e todos. Pero un día, a Lúa dille que está moi gordo e Comenoites decide deixar de comer. Cal é o problema? Que se Comenoites non come a noite, o frío e a escuridade reinarán para sempre na Terra e o Sol non volverá brillar nunca. Volverá comer Comenoites algún día? Volverá entón brillar o Sol?
- Intérpretes: Gustavo del Río e Jimmy Núñez
- Autor e dirección: Gustavo del Río
- Escenografía: Claudia L. Franco
- Monicreque: Tartana
VENDA DE ENTRADAS
As entradas poderanse adquirir a partir do venres anterior a cada espectáculo.
- www.ataquilla.com
- Despacho de billetes da praza de Ourense (excepto festivos): de luns a venres das 11.00 ás 15.00 h e das 16.30 ás 19.30 h
- Despacho de billetes do Ágora: dende unha hora antes do comezo do espectáculo (sempre que queden entradas dispoñibles)
Pagamentos: no despacho de billetes da praza de Ourense, na do Ágora e na venda en liña con tarxeta de débito ou crédito, excepto American Express.
Máis información: www.coruna.gal/cultura
