Normas para as persoas usuarias da piscina

• Para acceder á piscina é requisito imprescindible presentar o talón de pagamento, entrada ou do documento ou tarxeta que habilite o Concello para ese efecto, e do Documento Nacional de Identidade (ou documento que o substitúa).
• Non se permite a entrada libre a menores de 14 anos que non vaian acompañados/as por unha persoa maior de idade, que será a responsable dos/as menores durante a súa permanencia na piscina. A dita persoa adulta deberase identificar ante o/a socorrista.
• Resérvase o dereito de admisión e o límite de persoas usuarias por estaxe ou carreiro, segundo a lexislación vixente.
• Prohíbese a entrada na zona de praia con roupa ou calzado non adecuado, así como beber, beber e introducir obxectos de cristal.
• Por razóns de seguridade queda prohibido lanzarse á auga polos laterais do vaso, correr pola zona de praia e sentar nas liñas de separación, así como o uso de pendentes, cadeas, aneis e outros obxectos que leven risco.
• O emprego de colchóns, flotadores, aletas ou calquera outro elemento que poida orixinar risco para as demais persoas usuarias, deberá ser regulado polo persoal socorrista.
• As persoas que non saiban nadar ou padezan algunha enfermidade que implique risco, deberán advertírllelo previamente aos/ás socorristas.
• Co obxecto de facilitar un maior aproveitamento da instalación deberán seguir as instrucións do persoal socorrista.
• Por motivos de hixiene, é obrigatorio ducharse previamente á entrada no vaso, así como utilizar o gorro de baño e as chanclas. Recoméndase o uso de lentes de natación.
• Por motivos de hixiene, está prohibido soarse, cuspir e ouriñar na auga, así como acudir ao vaso con maquillaxe, cremas, apósitos de calquera tipo ou feridas abertas.
• Respectarase en todo momento o uso do carreiro ou estaxe asignada a cada actividade.

Normativa da piscina:

• Decreto 119/2019, do 19 de setembro, polo que se regulan os criterios hixiénico-sanitarios das piscinas de Galicia (códigos de procedemento SA431D, SA431C e SA431E), publicado no DOG núm. 191 do 8 de outubro de 2019.
• Real decreto 742/2013, do 27 de setembro, polo que se establecen os criterios técnico-sanitarios das piscinas, publicado no BOE núm. 244 do 11 de outubro de 2013. Corrección de erros, publicada no BOE núm. 271 do 12 de novembro de 2013. Corrección de erros, publicada no BOE núm. 156 do 27 de xuño de 2014.

Solicitude de uso das instalacións deportivas municipais:

Realizarase nas oficinas de rexistro da Cidade Deportiva de Riazor, Cidade Deportiva da Torre ou Polideportivo do Barrio das Flores, aboando a taxa correspondente. O seu aboamento poderase efectuar tanto en efectivo como mediante tarxetas.

Tarifas (2025):