Situada dentro do Fórum Metropolitano

O Centro Municipal de Información Xuvenil do Concello da Coruña, co obxectivo de potenciar e visibilizar o traballo dos mozos creadores da nosa cidade, así como de facilitar a difusión dos seus traballos artísticos e o coñecemento destes por parte da cidadanía, puxo en marcha a sala de exposicións Plataforma14 no edificio do Fórum Metropolitano.

A sala está dotada de iluminación, sistemas de suxeición e soportes adecuados para a exposición de artes plásticas e/ou arte multimedia, e conta con acceso a Internet a través de rede Wifi.

As obras expostas pertencerán, en sentido amplo,ás incluídas no campo das artes visuais (debuxo, escultura, instalacións artísticas, fotografía, ilustracións, perfomance, pintura, videoarte etc), sempre que poidan axustarse ao espazo expositivo e o seu equipamento.

As condicións de cesión da sala pódense consultar na seguinte web: www.coruna.es/cmix/plataforma14