- Inicio
- Prepara a túa viaxe
- O que non podes perder
O que non podes perder
Axenda de concertos
Non perdas a programación musical da cidade.
Festivais, concertos ao aire libre, actuacións en salas... A Coruña consagrouse nos últimos anos como un faro no sector cultural e musical.
Milleiros de persoas visitan a cidade para gozar de shows de primeiro nivel con artistas nacionais e internacionais.
Consulta a nosa programación para non perder nada!
Os teus 50 imprescindibles na Coruña
Visitas a cidade por primeira vez? Sempre fas os mesmos plans aínda que residas na cidade? Pois aquí che deixamos unha lista de 50 imprescindibles para que goces da Coruña de moitas formas diferentes.
-
Descubrir o Parque Escultórico da Torre de Hércules (esta non pode visitarse ata xuño por obras).
-
Comer un xeado artesanal dando un paseo pola Marina
-
Facer as túas compras na rúa Real
-
Tomarse un chocolate con churros no Timón ou Bonilla á Vista
-
Pasear pola Marina ou os Cantóns
-
Ver o atardecer desde a Xanela ao Atlántico
-
Sacarse unha foto co polbo do paseo marítimo
-
Gozar dunha paisaxe máxica desde a Rosa dos Ventos
-
Facer surf na praia de Matadoiro
-
Subir ao mellor miradoiro da cidade: o Monte de San Pedro
-
Ler un libro na praza de Azcárraga
-
Adentrarse no xardín de San Carlos
-
Visitar a praza do Humor
-
Deambular polas rúas do centro histórico durante unha mañá
-
Vivir o San Xoán (noite do 23 de xuño)
-
Bañarse na praia das Lapas
-
Perderse no labirinto de Xerión
-
Comprar un libro durante a Feira do Libro Antigo
-
Ver a Batalla Naval en agosto
-
Correr polo Parque Escultórico da Torre de Hércules
-
Ir a un concerto das Noites de María Pita
-
Gozar dun bo café de especialidade
-
Darse un mergullo en Santo Amaro durante o inverno
-
Pasear pola Feira das Marabillas
-
Beber unha Estrella Galicia
-
Almorzar con vistas ao mar
-
Ir de compras pola praza de Lugo e visitar o seu mercado
-
Descubrir os edificios modernistas da cidade
-
Cear cunha posta de sol en Orzán
-
Ver unha exposición no Quiosco Alfonso
-
Probar a tortilla ao estilo Betanzos
-
Ir de tapeo e viños polas rúas Galera, Estrella, Olmos ou Barrera
-
Ver as estrelas na Casa das Ciencias
-
Entrar na casa de Picasso
-
Quedar con alguén no Obelisco como punto de encontro
-
Visitar a igrexa de San Nicolás
-
Ir á DOMUS
-
Saudar ás focas e a Gastón no acuario
-
Ir ao teatro Colón ou ao Rosalía de Castro
-
Fotografarse coa Caracola
-
Visitar o Castelo de Santo Antón
-
Sacarse unha foto en María Pita
-
Percorrer o paseo marítimo en bicicleta
-
Ir a un concerto no Coliseum
-
Ver á Orquestra Sinfónica de Galicia no Palacio da Ópera
-
Visitar o Castro de Elviña
-
Queimar a noite coruñesa na discoteca máis grande de Galicia
-
Ver un partido do Deportivo no Estadio de Riazor
-
Gozar do mundo da animación con Viñetas desde o Atlántico
-
Ir ao Museo Estrella Galicia
5 plans para gozar o Día do Pai durante todo o mes
En España, o Día do Pai sempre cae o 19 de marzo aínda que non é festivo en todas as comunidades. Por este motivo propoñémosche 5 plans que podes facer durante todo o mes.
UN PASEO EN BICICLETA
A Coruña é unha cidade perfecta para moverse en bicicleta grazas ós seus máis de 50 quilómetros de carril bici. Pedalea pola Avenida da Marina ata o Castelo de Santo Antón, da DOMUS ata Riazor ou desde o Millenium ata a Xanela ao Atlántico. Descubrirás algúns dos recunchos máis bonitos da urbe herculina desde outro punto de vista.
VER O ATARDECER NA XANELA AO ATLÁNTICO
Agora que os días son máis longos, convidámoste á coñecida como Xanela ao Atlántico para presenciar un dos solpores máis máxicos da cidade.
Podes achegarte ao monumento a pé, en bicicleta ou coche.
IR AO TEATRO OU A UN CONCERTO
A programación cultural sempre é ampla e potente na cidade. A nivel teatral destaca a estrea en España de Piaf! The Show, no teatro Colón, o mércores 18; ou a fin da exposición A Coruña. Arte e textura de Raúl Velloso en Afundación.
En canto á música, a Orquestra GAOS interpretará Rossini no Colón o propio Día do Pai aínda que, se es máis doutro estilo, poderás gozar da 13ª edición do Festival 981 United no Coliseum o sábado 21.
SUBIR AO MONTE DE SAN PEDRO
O miradoiro por excelencia da cidade e ao que podes acceder de forma gratuíta. As vistas que rodean ao famoso parque do Monte de San Pedro van desde a Torre de Hércules e parte da Coruña ata a Costa Ártabra, aínda que tamén é fácil albiscar a liña de costa ata Arteixo e mesmo as Illas Sisargas, que pertencen a Malpica de Bergantiños.
Para pasear tranquilamente, facer un pícnic ou simplemente relaxarse, este miradoiro é perfecto para subir un día calquera da semana.
DESCUBRIR O PARQUE ESCULTÓRICO DA TORRE DE HÉRCULES
Subir á Torre de Hércules é un espectáculo, pero tamén recomendámosche descubrir o seu Parque Escultórico e todos os elementos que o integran.
Guía de ocio
A quen espera, primavera
Os días medran e minguan as noites. É momento de cambios nos parques e alamedas que deixan atrás a súa nudez invernal para vestirse coas coloridas flores da primavera. E A Coruña, en continua muda, tamén se transforma.
A espera, aquí, sempre vale a pena. O ocaso primaveral, seguramente un dos máis fermosos da península, comeza a asomar polo Atlántico. Tras un intenso inverno colmado de actividade cultural, na cidade que nunca dorme séntese a chegada da primavera como un novo espertar. Concertos, xornadas gastronómicas, ciclos de teatro e moitas exposicións enchen de vitalidade o corazón, agora máis verde, da urbe herculina.
Consulta nosa guía de lecer para non perder nada!
