Festas e eventos

Benvido á cidade en festa!

Aínda que no verán concéntrese o groso das festas coruñesas, a cidade é coñecida polo seu carácter animado e saber aproveitar calquera escusa para encher as rúas.

No principio do ano, o primeiro evento marcado en calquera calendario da cidade é o Entroido, o noso Entroido. Durante unha semana, a música das comparsas enche as rúas, nas que se poden ver aos clásicos "choqueiros". O epicentro destas celebracións sitúase na rúa da Torre. En canto ás datas, dúas son as máis sinaladas: o Xoves de Comadres e o Mércores de cinza, co seu enterro da sardiña.

Outra das festas que forxa o carácter coruñés é o San Xoán, declarada Festa de Interese Turístico Internacional. Na noite do 23 ao 24 de xuño, a máis curta do ano, as meigas achéganse ás praias coruñesas para, entre esconxuros xunto ás fogueiras, pedir desexos seguindo a tradición. De novo as sardiñas teñen un lugar especial nesta celebración, que xunto ao churrasco conforman a gastronomía sinalada desta data.

En agosto chegan as festas grandes da cidade, as Festas de María Pita . Un mes de concertos, feiras, exposicións e actividades culturais que baixo o nome da nosa heroína, María Pita, organízanse para goce de locais e visitantes.