A Asociación de Amigos da Casa das Ciencias organiza, en colaboración co Aquarium Finisterrae, unha actividade para nenos e nenas de entre 10 e 12 anos na que realizarán obradoiros sobre a bioloxía dos tiburóns (identificación, reproducción, alimentación, etc.) e durmirán na sala Nautilus, rodeados de tiburóns.

Convocaranse dúas sesións para o mes de xuño, dirixidas a nenos e nenas nacidos entre o 1 de xaneiro de 2013 e o 31 de decembro de 2015. En cada sesión, convocaranse un máximo de 20 prazas e desenvolverase nun horario comprende das 20.00 horas dun venres ata as 11.00 horas do sábado seguinte.

A preinscrición para as dúas sesións, que serán o 13 e o 27 de xuño, abrirase en liña, ás 9.00 horas do luns 19 de maio, neste formulario.

Cada participante empregará o seu saco de durmir, esteira e neceser para o aseo persoal, e deberá levar a súa propia comida e utensilios.

Programa de actividades en cada sesión

Venres

• 20.00 horas. Chegada e recepción no Aquarium Finisterrae.
• De 20.30 a 22.00 horas. Obradoiro sobre bioloxía dos tiburóns. Itinerario para identificar as especies do acuario, que comezará no módulo de incubación de ovos dos tiburóns. Comezamos o taller de manualidades para facer un dente de tiburón.
• 22.00-22:30 h. Cea.
• 22:30 h. Alimentación de melgachos e roxas na sala de corentena.
• 23:30 h. Retirada para durmir na Sala Nautilus.

Sábado

• 9.00-10.00 h. Diana, aseo e almorzo.
• 10.00-11.00 h. Finalizamos o obradoiro para facer un dente de tiburón.
• 11.00 h. Recollida dos/as participantes.