O luns 20 de outubro ás 19 h. na Biblioteca Municipal Fórum Metropolitano, temos un encontro literario con Carmen Villar e Pedro del Pozo, baixo o título "A dúas voces".

Acceso libre até completar capacidade.

Unha cita singular en forma de diálogo que mestura reflexión, memoria e esperanza.

Carmen Villar (Zürich, 1974) presentará "Os mil e un días", libro de fotopoesía que propón unha mirada afiada e compasiva sobre o cotián, para explicar o mundo desde a delicadeza e a resistencia: "Inventar un futuro como quen debuxa unha illa."

Pedro del Pozo (Sevilla, 1971) presentará "El imperio del mal menor", libro que explora as fendas éticas do noso tempo cunha poesía comprometida, lúcida e profundamente humana: "No seremos dóciles máquinas con corazón de pellejo."

Unha oportunidade para escoitar dúas voces periféricas e rebeldes que, desde a diversidade, comparten o mesmo impulso: facer da poesía un espazo de presente.