O luns 15 de decembro ás 19.00 h, na Biblioteca Fórum Metropolitano, temos a presentación do libro "Brevísima historia do conflito entre Israel e Palestina" de Ilian Pappé (Editorial Galaxia). 

Presentación a cargo do traductor da obra, Carlos Aymerich.

Organizado pola AVV Oza, A Gaiteira e Os Castros

Resumo:

Pappé expón en Brevísima historia do conflito entre Israel e Palestina as raíces coloniais do enfrontamento, desmontando mitos sobre a súa suposta complexidade. Explica como o sionismo, con apoio occidental, desprazou e oprimiu o pobo palestino, convertendo o conflito nunha loita desigual. Destaca a Nakba de 1948, a ocupación de 1967 e as circunstancias actuais en Gaza e Cisxordania como fitos dun proceso de limpeza étnica.O seu relato desafía a narrativa oficial e esixe xustiza histórica.

Ilian Pappé

(Haifa, 1954) é profesor de Historia na Universidade de Exeter, Reino Unido, codirector do Centro Exeter de Estudos Etno-Políticos. Foi profesor de Ciencias Políticas na Universidade de Haifa, onde tamén é director do Instituto Emile Touma de Estudos Palestinos.

Acceso libre até completar a capacidade.