O Planetario da Casa das Ciencias acolle o próximo 28 de agosto un concerto de Pärbo (Begoña Riobó e Anxo Pintos) con visuais de Montse Pinheiro. Unha sesión única preparada para este concerto dentro da programación da Romaría de Santa Margarita.

Pärbo naceu na primavera de 2019, cando Begoña Riobó e Anxo Pintos comezaron a buscar un repertorio que fusionase a música tradicional galega con elementos contemporáneos. Utilizando instrumentos como o violín, a arpa céltica, a zanfona e a voz crean un son único que reflicte tanto a tradición como a innovación e logran unha proposta sonora distintiva.

Haberá dúas sesións, ás 18.00 e ás 19.00 horas. Para asistir, hai que adquirir entradas, que poderán comprarse a partir das 11.00 horas do 24 de agosto, nesta ligazón.