Na  Biblioteca Durán Loriga  gústanos celebrar as cousas e se son doces, mellor! Así que non perdemos a oportunidade de celebrar o Día Internacional das Cookies (que se celebra o 4 de novembro) cos nosos veciños de rúa, o obradoiro de galletas BreakTime.

Contaremos con estes dous expertos en confeitos para elaborar na propia biblioteca unhas galletas para a ocasión, acompañadas dun contacontos do clásico Martín y las galletas de coco, de Inger y Lasse Sandberg.

Máis aló de preparar alimentos, a cociña é unha ponte cara as nosas raíces, un espazo onde se crean e mesturan recordos, afectos e novas vivencias compartidas. En Break Time cultívase esa memoria afectiva e na biblioteca queremos propiciar que as familias o poidades facer a través da elaboración conxunta entre peques e maiores no noso espacio, e mellor se é entre letras.

Esperámosvos!

IMPORTANTE: obradoiro non apto para celíacos ou con algunha intolerancia.

Os nenos e nenas precisan estar acompañados dunha persoa adulta.