O xoves 11 de decembro ás 19.30 h terá lugar na sala de adultos da Biblioteca Municipal Ágora a presentación da novela "La familia de las curanderas", que relata a vida dunha curandeira galega que viviu nos anos duros da Guerra Civil e a ditadura franquista.

No encontro contaremos coa presencia de Cristina Sola, adaptadora do texto e unha das profesionais máis recoñecidas no ámbito da lectura accesible, así como tamén coa intervención por videoconferencia da autora do texto orixinal, Marisa Castro.

Sobre Marisa Castro

Marisa Castro (Lugo, 1955) é micóloga, doutorada en Ciencias Biolóxicas e socia fundadora da empresa MycoGalicia Plantae.

Durante máis de 30 anos foi profesora na Universidade de Vigo, onde impartiu Botánica e dirixiu casi unha decena de teses doutorais. A súa primeira profesión é a de docente, a segunda, sen dúbida, a de divulgadora científica.

Marisa é ecoloxista, amante da natureza e defensora da liberdade da muller, especialmente na figura da muller rural galega.