10 de agosto ás 21.15 h.

Concerto Ilustrado: Lumedoloop con Alberto Taracido

Lumedoloop é un proxecto de rap galego, conformado por Jamas e Møu, de Deus Ke Te Crew, xunto con DJ Mil. En 2026 publicaron o seu álbum de debut, (Re)existencia. Alberto Taracido, de longa traxectoria no cinema de animación e a publicidade, publicou nos últimos meses a súa segunda novela gráfica, O eco dos días rotos, que está a ser todo un éxito.

11 de agosto ás 17.00 h.

Cinema BD. Proxección da Longametraxe 'Os Simpson: a película'

Filme de animación dirixido en 2007 por David Silverman e coescrito por Matt Groening.

Duración: 87 min.

11 de agosto ás 19.00 h.

Cinema BD. Proxección do documental 'Aquí donde estoy'

Coloquio posterior con María Castro Hernández e Tyto Alba; modera Javier Trigales.

Filme dirixido en 2025 por Álex Cuéllar e Rafa G. Sánchez, de 62 min de duración. Recolle as entrevistas de María Castro Hernández con Gabriel León, sobrevivente da batalla do Ebro. O proxecto inclúe a novela gráfica homónima de María Castro Hernández e Tyto Alba.

13 de agosto ás 12.00 h.

Teatro infantil. 'Alicia!', de Pedras de Cartón

Espectáculo inspirado no clásico de Lewis Carroll, que mergulla ao público nunha viaxe por un mundo fantástico onde reinan o absurdo, a imaxinación e o humor.

Para toda a familia a partir de 3 anos. Duración: 50 min.

Actividade en colaboración coa libraría Galgo Azul.

13 de agosto ás 21.15 h.

Maratón de Pódcast BD (I): 'El nicho ilustrado'

Pódcast de variedades presentado polo actor David Perdomo, no que se mestura a fragrancia dos perfumes coa das viñetas. O espazo contará coa participación de varios convidados e convidadas do festival.

Duración: 75 min.