Modulartec-Vortex é unha homenaxe ás sesións experimentais que naceron en 1959 no Morrison Planetarium de San Francisco, e que continua coas sesións inicadas no ano 2018 no Planetario da Casa das Ciencias, potenciadas recentemente polos novos proxectores dixitais que permiten a creación de visuais en tempo real.

A primeira sesión deste novo ciclo estacional terá como protagonista ao dj Fatfish, acompañado de Javier Díaz coas visuais.

Fatfish, @fatfishingram, é un coleccionista de vinilos e selector, con máis de 30 anos na escena como dj e promotor. Foi responsable de Discorder, mítica tenda de Madrid de música electrónica e de vangarda, e destaca por ser habitual de clubs nacionais e internacionaales, así como en festivais de prestixio.

Javier Díaz, @javiziontifik, é un artista madrileño multidisciplinar residente na Coruña. Acumula case 20 anos dedicados á contorna audiovisual traballando para marcas de publicidade e innumerables vídeos musicais desde o seu selo e colectivo Ziontifik, onde traballou con artistas como Dano, Elio Toffana, C. Boureo, Rels B, Nathy Peluso, Dellafuente ó Natos & Waor. Actualmente está preparnado a súa primeira longametraxe documental xunto a Chirie Veigas.