Dispostos a todo, volven os dinosauros aos nosos días!

O malvado Katraska e os seus malfeitores queren apoderarse dun misterioso ovo descuberto na Patagonia Arxentina. Ariadna e o profesor Florentino Ameghino loitarán por protexer a Xuri, un dinosauro moi peculiar que se mantivo oculto aos ollos do mundo a través dun curioso dispositivo evolutivo antropolóxico.

Un espectáculo único con música en directo. Unha comedia de enredo e misterio espectacular, recoñecida co Premio do público ao mellor espectáculo infantil Galicreques 2021.

Monicreques Cachirulo pon en escena este espectáculo dirixido a público familiar (+3 anos)