O Proxecto Bululú, composto por un grupo de profesionais con máis de dez anos de experiencia laboral como xestores, técnicos e dinamizadores de proxectos e actividades socioculturais e educativas, presentará o Espectáculo "FMS (Funny Music Storytelling)" a máis de 200 escolares o próximo 16 de decembro.

Farao en dúas sesións, de 45 minutos de duración cada unha delas. A primeira está dirixida a escolares de educación infantil, mentres que a segunda será para estudantes de 1º a 3º de primaria de diferentes CEIP do Concello da Coruña, inscritos no Programa de lecer municipal "Idiomas no centro".

O programa educativo do Concello da Coruña "Idiomas no centro" busca fomentar o coñecemento dun idioma estranxeiro (inglés ou francés) nun contexto lúdico que reporte unha experiencia positiva durante o proceso de aprendizaxe.