A "Mostra de Teatro Escolar", programa educativo que busca potenciar, promover e difundir a actividade teatral feita por escolares entre o alumnado dos centros educativos do concello, pon fin ao seu XXXIV edición cunha gala final que se celebrará o venres 6 de xuño, ás 17:30 horas, no Forum Metropolitano.

Nesta gala representaranse as obras dos grupos gañadores de cada categoría, nunha celebración da creatividade, o talento e o traballo colaborativo do alumnado coruñés.

O xurado, composto polos actores e directores teatrais, Ramiro Neira e José Leis, e pola técnica de Educación, Ana Judel, resolveu entregar os premios de cada categoría (infantil, primaria e secundaria) ás seguintes obras:

• Educación Infantil: ex-aequo ás obras "How I became a pirate", do CPR Obradoiro e "Hércules" da EIM Luis Seoane.
• Educación primaria: "Felipe tiene gripe", do CEIP Sal Lence.
• Educación secundaria: "Ulises", do IES Agra del Orzán.

Ademas, o xurado resolveu entregar as seguintes mencións especiais (sen dotación económica) ás seguintes obras:

• Mellor creación escéncia en inglés: "The hotel for bugs", do CEIP Víctor López Seoane.
• Mellor vestiario: "Lingua de lata", do CEIP Víctor López Seoane.
• Mellor texto orixinal de creación colectiva: "Fuga en el insti", do CPR Fogar de Santa Margarida.
• Mellor interpretación musical: "Ciclón", do CPR Santo Domingo.
• Mellor espazo escénico: "Revoltamente", do CPR Santo Domingo.

Os criterios de valoración tiveron en conta:a dramatización da obra, a orixinalidade ou a adaptación do texto, a escenografía e iluminación, o vestiario e maquillaxe, e a corrección e fluidez lingüística

Cada grupo gañador recibirá un cheque por valor de 100€. No caso da categoría de Infantil, ao outorgarse o premio ex-aequo a dous grupos participantes, o premio será dun cheque de 50€ para cada grupo gañador.

As mencións non terán premio económico.

Programa da gala

17:15 h: Apertura de portas ao público

17:30 h: Comezo da gala e entrega das mencións

• Mención ao mellor espazo escénico: CPR Santo Domingo
• Mención ao mellor vestiario: CEIP Víctor López Seoane
• Mención ao mellor texto orixinal de creación colectiva: CPR Fogar de Santa Margarida
• Mención á mellor interpretación musical: CPR Santo Domingo
• Mención á mellor creación escénica en inglés: CEIP Víctor López Seoane

17:45 h: Representación dos grupos de infantil da EIM Luís Seoane e CPR Obradoiro e entrega de diplomas

18:30 h: Apertura de portas ao público

18:35 h: Representación do grupo de primaria do CEIP Sae Lence e entrega de diplomas

19:00 h: Apertura de portas ao público

19:05 h: Representación do grupo de secundaria do IES Agra do Orzán e entrega de diplomas

19:50 h: Peche da gala polo Concelleiro de Educación, formación e investigación tecnolóxica D. Juan Ignacio Borrego Vázquez