Danza contemporánea

"Xavier a través de min" é un proxecto de artes vivas de corte autobiográfico e non documental co que quero traer ao presente o legado inmaterial que o meu irmán Xavier Fernández me deixou en vida, e deixar ao descuberto todo o sedimento da vida do meu irmán en min.

As principais ferramentas para vehicular este contido tan emocional son a danza, o espazo sonoro-musical, a voz, o texto e a instalación, que mesturadas compoñen unha experiencia vivencial moi próxima a un lugar de intimidade case confesional, onde atopar un espazo de liberación enerxético pouco habitual.

Xavier Fernández traballou ata a morte en relación á consciencia, era psicólogo, criminólogo, investigador e psiconauta, profesor de ioga, de meditación, e tamén guía en procesos de procura interior.

A práctica artística de Félix Fernández busca ser un espello no que o público se sinta reflectido. Interésalle especialmente a posibilidade de transformación social que ten a arte e tanto o autorretrato como a autoficción son formas comunicativas das que se ten servido en numerosas ocasións, poñendo o corpo e a autobiografía ao servizo de ensaios nos que reflexionar sobre aspectos máis xerais do ser contemporáneo.

Interpretación, creación e dirección: Félix Fernández

Venda de entradas 

Despacho de billetes da praza de Ourense, de luns a venres das 11.00 ás 15.00 e das 16.30 ás 19.30 h

Despacho de billetes do Teatro Rosalía: só abre os días de función dende as 16.00 h

Venda en liña