A sede consta de tres andares:

• Na planta baixa atópase o salón de actos con capacidade para 160 persoas, unha zona de aulas e espazos multiusos para impartir cursos.
• O primeiro andar alberga a área de administración e oficinas.
• No segundo piso ten sede a sala de exposicións onde se atopa a colección privada de Manuel Jove e a exposición permanente sobre pintura de arte galega e nacional do século XX.
• Sala permanente de arte accesible, na súa primeira fase estará formada polas obras de 4 artistas do século XX (Darío Regoyos, Salvador Dalí, Ramón Casas e Carlos Alcolea). As súas obras, pertencentes á colección da Fundación, reproducíronse cunha nova técnica que confire tridimensionalidadse ás pinturas, permitindo que os cadros poidan ser explorados mediante o tacto, descubrindo as texturas e volumes das imaxes pintadas. A experiencia complétase escoitando simultaneamente a locución dunha audioguía, que vai dirixindo e explicando o percorrido táctil de cada obra.