A través de exercicios grupais e prácticos, as persoas participantes recibirán e traballarán neste obradoiro un conxunto de técnicas xestuais e vocais para a posta en escena dos seus textos, así como para soltar a creatividade, a procura de ideas para a escritura e unha aprendizaxe e fortalecemento da capacidade de improvisación escénica.

A interpretación e posta en escena dos versos, baixo o paraugas da poesía escénica ou poesía performativa, é a forma renovada no século XXI da antiga esencia dos xograres, devolvendo a proximidade das letras para transmitirllas de maneira directa á comunidade. Tanto na súa forma lúdica, con recitais/jam sessions, como na súa forma competitiva denominada Salm Poetry, da que temos exemplos nas catro edicións do Combate Poético da Coruña (2017-2020) ou no I Festival de Poesía Nova de Santiago de Compostela que acolleu a final estatal do Slam Poetry España 2022 este outubro.