Lacónicas, Xornadas do Lacón con Grelos
O lacón con grelos é o noso prato por excelencia do Entroido.
Cando chega o mes de febreiro, restaurantes e mesóns prepáranse para elaborar un dos manxares tradicionais máis prezados na cociña galega. Composto principalmente de lacón cocido (pata dianteira do porco), chourizo, patacas e grelos (brotes do nabo), é a orixe de longas sobremesas, de reunións familiares ou con amizades. Sentar á mesa para comer este prato é todo un ritual que comeza cunha deliciosa sopa quente e remata con algunha das sobremesas estrela desta festividade: as orellas ou as filloas.
