Hai 3 eventos que marcan claramente a chegada do Nadal. O "All I want for Christmas is you", de Mariah Carey, o acendido das luces do Nadal e Esfínter... pero só un destes momentos che vai facer rir a romper, e ese é Esfínter, (a non ser que sexas de Vigo, claro...)

Un ano máis, chega esta maridaxe tan especial de Javier Veiga, Rober Bodegas e David Amor. Tan distintos e ao mesmo tempo tan compatibles, como o melón con xamón, a pizza con piña ou a Nocilla con chourizo... sempre atoparás a xente que che fale disto con paixón.

E do mesmo xeito que nos 70 os artistas estranxeiros anunciaban novos LPs coa nota de "canta en español", chega o novo espectáculo "Esfínt3r, un espectáculo para pechar o ano". Un show 100% de algodón, máis dun 20% de zume natural, e sobre todo, máis risas que nunca!!!

VENDA DE ENTRADAS:

• www.ataquilla.com
• Despacho de billetes da pza. de Ourense (excepto festivos): de luns a venres, das 11.00 ás 15.00 h e das 16.30 ás 19.30 h