Centrou o seu traballo na formación musical da mocidade e no goce coa música, sempre co propósito de contribuír a reforzar e revalorizar a nosa cultura e a normalizar o noso idioma.

O froito do traballo destes anos deu vida a unha banda de música, hoxe desaparecida, a unha coral e a un grupo de pandeireteiras.Solfa fai parte do tecido cultural do noso país e acredita na importancia da riqueza cultural que atesoura Galiza.

Conscientes de que o noso futuro como pobo pasa por recoñecérmonos e estimármonos como galegos e galegos. A nosa cultura, música e lingua identifícannos colectivamente e sitúannos no mundo. Por iso, Solfa procura coñecela, usala, divulgala e potenciala.

Con máis de cen pezas, o repertorio desta coral bebe da música tradicional galega e portuguesa. Tamén inclúe textos de poetas galegos e da lusofonía: Rosalía de Castro, Eduardo Pondal, Curros Enríquez, Francisco Añón, Cabanillas, Manuel María, Fiz Vergara Vilariño, Fernando Lopes Graça...Ten gravado un CD para difundir e enriquecer a nosa música.

Nesta nova edición do festival A Galiza Coral, Solfa actúa dirixida por David Lojo Ces.Como todas as actividades do programa "Agra no Ágora", este concerto é de acceso libre e gratuíto; o programa está financiado polo Concello da Coruña e deseñado en colaboración coa Asociación veciñal Agra.