O sádado 29 de marzo, ás 11.30h, celebramos na  Biblioteca Durán Loriga o segundo obradoiro de buxainas e perinolas!

Na sala de Exposicións Salvador de Madariaga (a que está no propio edificio da biblioteca) contamos dende o día 13 de marzo ata o 4 de maio, cunha exposición dedicada en exclusiva ao mundo das buxainas e das perinolas, e a biblioteca súmase á homenaxe que este xogo interxeracional tanto se merece.

Contamos cunha mostra de libros dedicados a estes xoguetes e ao mundo dos xogos que, pensando na primavera que xa asoma, seguro que darán moitas pistas do que podemos facer para botar unhas risas.

Neste segundo obradoiro, destinado á rapazada de 8-10 anos contarase con xogos creativos nos que deseñar e decorar a súa propia buxaina e a aprender a bailala.

E se algún familiar quere acompañalos tamén poderá.

Para participar, só tedes que inscribirvos. Esperámosvos!